اللهم لك الحمد

تم الإفراج عن حبيبي الدكتور سالم ومجموعته التي عرفت بمجموعة معهد التعاون الزراعي والتي كان علي ذمتها المدون المتميز عبد المنعم محمود والقيادي د. محمد عبد العال والمهندس نادر توفيق وبعض طلاب المعهد الذين وجهت لهم تهم بتنظيم عرض عسكري ( التهمة إياها اللي معندهومش غيرها دي)
ومن المعروف أنه تم الزج بالقياديين د. سالم رمضان و د. محمد عبد العال والمهندس نادر توفيق والمدون عبدالمنعم محمود في هذه القضية لتصفية بعض الحسابات مع أمن الدولة

ونسأل الله أن يمن علينا بأن يأذن بالإفراج عن باقي المعتقلين
اللهم آمييييييييييين

el-aseef

المهزلة

مات الفتي
-أي فتي؟
-هذا الذي كان يعيش صامتا
وكان يدعو صمته أن يصمتا
وكان صمت صمته يصمت صمتا خافتا
- مات متي؟
- اليوم
- لا ..
هذا الفتي عاش ومات ميتا

اولع يا اللي في بالي

مش عارف أكتب إيه .. ولا أقول إيه ؟؟؟
بس لازم أكتب لسبب بسيط جدا
إن أنا عايز أكتب

فرحان وفي نفس الوقت مخنوق وهولع من جوه
مش عارف ازاي ؟ ؟ .. بس هو كده !!

فرحان عشان خلصت أول مادة وأغتت مادة علي خير
ومخنوق وهولع عشان اللي عمله وكيل كليتنا ربنا ي...... منه

عارف إن كل واحد فيكو عمال يسأل نفسه ..الجدع ده بيهرتل وبيقول إيه
حاضر .. هقولكو الحكاية من أولها

عمكو رايح الامتحان عادي زي أي واحد رايح امتحان
قلقان ومخنوق وربنا يستر
المهم شوفت من بعيد حبايبي .. عبدالحميد السبخاوي وكارم والعشري وعمر طلعت
قولت في نفسي .. الحمد لله .. اليوم من أوله كويس أهو
ورحت أسلم عليهم وأنا مبسوط
أصل بصراحة باستبشر بوشوش الناس الحلوة دي
وياريتني ما رحت
لقيتهم بيقلولي
الحق .. وكيل الكلية عمللنا ولكل الناس اللي كانت في المعتقل مجلس تأديب يوم الخميس
قلت .. يابن اللذينة
جاي يعملو قبل الامتحان بخمس أيام عشان محدش يلحق يرفع قضايا
المهم .. قلتلهم وإيه اللي حصل ؟؟
قالولي .. أصدر قرار بحرماننا من الامتحان
بس .....
عمكو سمع الحكاية وكان هيولع
بأه أنا جاي أطمن واهدي نفسي قبل مادخل الامتحان
ولعت أكتر واتخنقت أكتر
المهم .. واسيتهم بكلمتين وأنا بغلي من جوه
لقيتهم مبسوطين وهما اللي بيواسوني
عشان أنا اللي ربنا ابتلاني ودخلني الامتحان
آآآآآآآآآآآآآآآآآآآآه يا ولاد الإيه .. بقي شمتانين فيه عشان أنا داخل الامتحان وانتو لأ
طب والله لادعيلكو تكسبو القضية وتدخلوا باقي الامتحانات
المهم .......
روحهم العالية كسفت الواحد من نفسه والله


من الآخر...........
اولع يا وكيل الكلية (ومش هكتب اسمك عشان مدونتي مش ناقصة) انت و بتاع أمن الدولة اللي عاملك زي العروسة الباربي
اولع كمان مرة انت وقعدك علي الكرسي بتاعك
بكرة نقف أمام الله احنا وانت وهنعملك مجلس تأديب ويا ويلك يومها
اولع تالت مرة ورابع مرة و.......... مرة
واولع كمان مرة


المهم اللي غاظني أكتر من كده
رد فعل الطلبة
يا جدعاااااااااااااااااان .. يا ناس ياهوووووووووووووووووووووه
احنا لو ناس جامدة محدش منا يدخل الامتحان غير لما زمليلنا يدخلوا معانا
زمايلنا يا جماعة
زمايلنا اللي واجعين دماغمهم من أول السنة عشان يخدمونا ويصلحوا غلطة شوية الحرامية اللي ماسكينّا
يا ناس ياهووووووووووووووووووووووووووووووووووه
هي دي آخرة اللي يعمل خير في البلد دي
ولكن .....

قد أسمعت إذ ناديت حيا .. ولكن لا حياة لمن تنادي

تصدقوا وتؤمنوا بالله
احنا شعب ميستاهلش يعيش حياة كريمة
في الوقت الحالي علي الأقل
شعب دمه بقي مية
إلا من رحم ربي
وحسبنا الله ونعم الوكيل


ودخلنا الامتحان
واتنفخنا
وخرجنا كما دخلنا
وكأن محصلش حاجة
وخلصنا من المادة
وهندخل اللي بعدها
وهنخلص منها
وهنتخرج
وهنبقي دكاترة أد الدنيا
وهييجي أمين شرطة ميسواش نكلة
وهيهزئنا وهيمرمطنا
واحنا اللي جبناه لنفسنا


هييييييييييييييييييييييييييييييييييييييييييييييييييييييه .. دنيا


بس هو ده الحوار
وهي دي الحكاية والرواية
وعشان كده مخنوق
بس يلا مش مهم
بكرة نتقابل كلنا عند ربنا
وهيحكم بينّا

المهم ......
أنا كنت أولتلكو إني فرحان ؟؟؟؟؟؟

خلاص ....
رجعت في كلامي
أنا مش فرحان
أنا مخنووووووووووووووووووووووووووووووق
مخنوق وبس
واولع كمان مرة يا وكيل الكلية

بس كده
هو ده اللي أنا كنت عايز أقوله
واعذروني علي أسلوب الكتابة المتدني .. اللي أنا مش متعود عليه
واولع كمان مرة يا .......................

ياللي في بالي


el-aseef

تقرير الجزيرة حول إلغاء القضاء الإداري بقرار حسني بتحويل الإخوان لمحاكمة عسكرية

يأبي هذا الرجل إلا أن يطل علينا بوجهه ال ........ في كل مناسبة يتضج فيها زيف النظام وبغيه وفجره ليدافع عن ربيبه
حقا .. إن لم تستح فاصنع ما شئت
أترككم مع التقرير

و فجأة ......................؟؟؟

و فجأة ......
ودون سابق إنذار

اكتشف أخوكم الغلبان .. العبد لله
إن امتحاناته النهائية لم يتبق عليها سوي أسبوعين
وما أدراكم وما امتحاناته النهائية
إنها شئ فظييييييييييييييييييييييييييييييييييييييييييييع
فظييييييييييييييييييييييييييييييييع للغاية
وكمان أسبوعين
شوفتو الافتراااااااااااااااااااااااااا
لأ والمشكلة مش بس في ان امتحاناتي يوم 15 _ 5
لأ وكمان هنفضل نمتحن لحاااااااااااااااااااااااااااااااااااااااااااااااااااااااااااااااااااااد يووووووووووووووووووم
5 _7

دا إيه الإفترا ده يا جماعة
شهر وتلات أسابيع جو امتحانات نهائية ؟؟؟؟؟؟؟؟!!!!!!!!
معقول الكلام ده ؟؟؟!!!
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآه .. أيوه طبعا معقول
ابتسم ..................
أنت هنا في كلية الطب
وما أدراك ما كلية الطب
إنها أكبر سجن في مصر(بعد وادي النطرون طبعا)
إلا أن أقل مدة للحبس فيها هي سبع سنواااااااااااااااااااااااااااااااااااااااااااااات (6.5 تحديدا)
ده لو محسبناش سنة الامتياز طبعا

المهم ..
إن الأدهي والأمر........
إن العبد لله اكتشف إنه مش مذاكر حاجة خااااااااااااااااااااااااااااااااااااالص
وإنه لو فضل علي كده يبقي هيتنفخ زي مابيتنفخ كل سنة
بالذات بعد ما رئيس قسم الرمد دخل و ..........
وأزبد وأرعد وتوعد بالويل والثبور وعظائم الأمور وبامتحان لم تره قط عين (الكلام ده عادي عندنا)

النتيجة ..
إن أخوكم قرر وبعد طول تفكيييييييييير
إن مستقبله مهم برضه
فللأسف الشديييييييييييييييييييييييييد
هيضطر يتوقف عن التدوين لفترة
بس طبعا مش هيتوقف نهائيا
فالتدوين أصبح في دمه كال........................
كال .......... حاجة وحشة كده مش هقولكو عليها والحكومة بتعاقب علي الاتجار فيها ( عروستي )
بس المؤكد إن معدل التدوين هيقل عن الأول كتييييييييييير

فأرجو منكم أن تدعولي ربنا إن الفترة المقرفة ذات الرائحة المش تمام دي تعدي علي خير


أخوكم



el-aseef